محبك حبيبي

محبك حبيبي فؤاده رقيق= تعلق فـ/حبك أُوَدّه لقاك

جمالك وحسنك ونورك بَرَيق = ولاحد(ن) بزينه فتني سواك

لطيف(ن) عفيف(ن) صدوق(ن) صديق = إذا غبت عني عيوني معاك

أودي بنظره عليها شفيق = حلايا عيون(ن) تزيد ابحلاك

عيون ابسحرها تزيد الحريق = طويل(ن) هدبها شبيه الملاك

وجسم(ن) منسق رفيع(ن) رشيق = عجبني قوامك وكللي لباك

جدايل شعرها تشمه تفيق = يفوح الدخون المعتق هواك

وجيد(ن) عليه القلايد تليق = وصدر(ن) شموخه على الله رضاك

ولا أقدر أوصف وأبحر عميق = لأني أخاف العيون اتعناك

كفاية أشوفك قريب(ن) عشيق = تحبني تعزني تبيني واباك

وأنا بطلب الله يعين العويق = يسهل أمور(ن) تعبني عناك

تعبني حبيبي قليب(ن) رقيق = تعلق فـ/حبك أُوَدّه لقاك